Qodobka 4aad

Qoraalka Soomaaliga asalka ah, erey-erey

Aasaasidda Xafiiska Garyaqaanka Guud ee Xukuumadda 1. Waxa xeerkan lagu aasaasay Xafiiska Garyaqaanka Guud ee Xukuumadda oo ah xafiis hoos yimaadda xafiiska Madaxweynaha, isla markaana yeelanaya astaan iyo shaambad u gaar ah. 2. Xarunta Xafiiska Garyaqaanka Guud waxay noqonaysaa Caasimadda JSL ee Hargeysa, waxaana uu laamo ka furan karaa gobollada dalka, haddii loo baahdo. 3. Xafiiska Garyaqaanka Guud waa xafiis hoos yimaadda xafiiska Madaxwaynaha, si waafaqsan faqradda 1aad ee qodobkan, waxaanu yeelan karaa hanti guurto iyo ma’guurto ah labadaba, waxana uu ku gali karaa magaciisa heshiis kasta, kuna dacwayn karaa ama lagu dacwayn karaa magaciisa.