Article 10

Qodobka 10aad

Original Somali text, quoted word for word

Shuruudaha Magacaabista Garyaqaanka Guud iyo ku-xigeenkiisa 1. Shuruudaha magacaabista Garyaqaanka ama ku-xigeenka Garyaqaanka Guud ee Xukuumaddu waa: B. In uu yahay muwaaddin reer Somaliland ah. T. In uu yahay Muslim, asluub & akhlaaq wanaagsan bulshada ku dhex leh. J. in uu leeyahay aqoon waxbarasho heer Jaamacadeed oo aqoonta sharciga ah, haystana ugu yaraan shahaadada darajada koowaad ee (LLB) oo ah jaamacad la aqoonsanyahay. X. In uu leeyahay waaya’aragnimo shaqo oo la’xidhiidha xirfada sharciga sida qareen, garsoore, xeer-ilaaliye ama macalin jaamacadeed oo sharciyada ah ugu yaraan 10 sanno. Kh. In da’diisu aanay ka yarayn 35 sanno kana waynayn 60 sanno. D. In aanu ku dhicin xukun maxkamadeed oo ciqaab ah 5 tii sanno ee ugu danbeeysay. R. In uu maskax ahaan iyo jidh ahaanba gudan karo xilka loo igmaday. S. In ay ku sifoobaan xilkas, akhlaaq wanaag, toosnaan isla markaana leeyihiin sifo dhexdhexaadnimo, karti iyo daacadnimo.